زوجة الدكتور العزوبية

زوجة الدكتور يجب ان تتحلى بالمواصفات التالية واللا قضت نحبها :

١- صبورة.. صبورة.. ثم صبووورة ( وهذا صعب احياناً.. اقصد غالباً ! )

٢- تستطيع عيش حياة العزوبية لمدة يومين الى ان يحل الزوج الدكتور ضيفاً عليها بعد الخفارة ( لاحظي اخيتي العزيزة ان زوجك الدكتور قد ارهقت كاهله الخفارة وعاااادي تعيشين العزوبية في اليومين اللي يكون موجود فيهم عندج لان يحتاج ينام كثر ماداوم بالخفارة! الله يعينج! ولما يرتاح يكون قد حلّ وقت الخفارة التالية ! فيختفي زوجج من الوجود !)

٣- لائقة بدنياً وصحياً جاهزة لقضاء المشاوير الطارئة ومواجهة الشدائد والازمات ( البيت يصفر عصير مافي ييبي ماجلة البيت.. البنت مريضة تودينها المستوصف.. يبيلها تسجيل بالروضة روحي سجليها..بتولدين بالتاسع؟ الله يعينج كلشي بيقعد على حطته)

٤- تبين صديق حبيب زوج ؟ ميخالف انسي اول اثنين اهوا يدوب يداوم ويرجعلج يومين بيرتاح صعبة تعورين راسه بالهذرة والدلع الزايد! ( اهوا مايقول شي مسكين ويحاول يصيرلج اول اثنين بس هاذا واقع الحال)

٥- ماخذة جم دورة بفن ادارة العايلة والذات والتحكم بالاعصاب والاعتماد الاسطوري على النفس عشان ماتينيين وانتي مجابلة الطوفة وعيالج يحنون على راسج وانتي تعبانة وماتقدرين تشبرين برة البيت بالغبار الحلو!

بالنهاية انا مالوم الزوج الدكتور الله يعينه… ولج الجنة يا زوجة الدكتور باذن الله بالاخرة وشيء من الجنون في الدنيا الفانية..
اقول بس زهبيلج ديفيديات وسويلج برنامج وسعي صدرج عشان ما ايي يوم ويلقاج قابّة من البيت!

تاكدي عزيزتي من توافر الصفات المبينة اعلاه فيج قبل لاتفكرين تتزوجين دكتور 🙂

وانج : Super- Duper Women 🙂

شكراً…عفواً!…

٢٠١١٠٤١٣-٠٥٢١٣٠.jpg

Advertisements
This entry was posted in Whispers and tagged . Bookmark the permalink.

2 Responses to زوجة الدكتور العزوبية

  1. قياديه says:

    اذا تبين الحياه تصفا لج كلها هذا شي صعب ..
    واستغلي هالشغله وحوليها من سلبيه لي ايجابيه 🙂

    • اكيد:) خصوصا لما يكون الدكتور قاعد يعطي من قلبه بس هذا اللي يقدر عليه ( عشان ماكون ظالمته ؛))
      الله يخلي حق كل وحدة زوجها ويسخرهم حق بعض 🙂 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s