العقل حبة ( بَنَكْ ) !

جرب تشتغل و رئيسة قسمك مرأة وليست رجل وراح تشوف التالي :

الكويتية اذا خذت منصب حتى لو رئيسة قسم داثر، راح تحسسك انها رئيسة الدنيا كلها وممكن تحكم الكويت بعد جم شهر.

واذا قلتلها ليش صرررخت وقالت انااااا رئييساااااااه ( رئيسة عالشغل وبمكان الشغل وبس ياحبيبتي مو رئيسة حياتي ) !

تكلمك عن اللوائح والقوانين واهيا تطلع من الدوام وتاخذ حاشيتها تحت اسم خروجية رسمية! ويليت خروجية رسمية! مرات تطلع بدون بصمة والمفروض انها مداومة.

رئيسها اهيا مايقدر على لسانها( اللهم انا نعوذ بك من شرورهم) !

لازم تصير من الانبطاحيين والمصفقين لها خصوصا بجاي الضحى و القعدات اللي من نوع ( جنطة فلانه و مكياج فلانه وزوجي وزوج فلانه واحنا واحنا ) ، ولا راح تحقد على اهلك وتحط عليك وتناشبك عالطالعه والنازله لانها راح تحس انك منعزل لانك شايف روحك عليها وانك مو تحت ايدها وسيطرتها ( عسى ماشر)!

تشيل منك صلاحيات عقاباً لك لانك غير مصفق و غير ابطاحي وتدافع عن نفسك عندما تهينك ( على بو انها راااائيييييسة! الحمدالله والشكر عمره ماتبخر تبخر واحترق)

تطلب خروجية لانك تعبان او عندك موعد يا تحقق معاك يا تعفس الويه ( بس لما وحده من حاشيتها بتاخذ اسائذان عشان تروح الصالون تقص قذلتها ولابتروح السوق عااااادي وجنه العيد)

كل هذا ان دل على شي فهو يدل على ضيق الافق وصغر العقل والاحساس بالنقص ( سلطتها بلسانها وتدخل اهواءها الشخصية وعقدها بالشغل وتاذي الموظف!)

بالنهاية ماقول اللا الحمدالله ان شأن الانسان ورزقه كله بيد ربه ودعوة الظالم مستجابه.

ملاحظة : انا كنت اضحك على كلمة انبطاحي ومصفق 🙂 بس الحين مالقيت اللا هالكلمتين اللي يوصفون الوضع وبجدارة 🙂
واستأذن الاخ بوفلان باستخدام صورة تخصه في موضوعي لاني مالقيت صورة ( بَنَكْ) غير هالصورة !

دمتم سالمين ؛)

Advertisements
This entry was posted in Whispers and tagged . Bookmark the permalink.

One Response to العقل حبة ( بَنَكْ ) !

  1. الشكوى الرسميه للوزاره تنفع اذا كانت مدعمه بالأدلة

    وهناك من الرجال من هم اشد تسلطا من النسوان 🙂

    باختصار لكل مدير عصابه ترقعله وتدافع عنه وتتستر عليه بمقابل التضبيط بالدوام

    والصوره لا مشكله ابدا في نقلها

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s